Gedurende ons besoek aan Mispah Skool op 6 Okt (JR se oornag trippie na Warmwaterberg) het ons ook die slaapgeriewe gaan besoek. Johan Burger van Burger Meubels, Nobelpark, Bellville wat die trip meegemaak het, het dadelik besluit om 2 TV's te skenk.'n Bonus was 'n DVD van Danie Malan(Geelkameel).
Ons belofte van 2 TV's aan Mispah te Elim (onderskeidelik seuns en meisies slaapkwatiere)is die naweek gestand gedoen. Saterdag 2 Nov is toe besluit om die pad te vat. Elim is ongeveer 190km teerlangs, maar word grondpad by Pearly Beach se afdraai. Of grondpad vanaf Botrivier. Daar aangekom het die kinders, nes laas, almal gereed gesit in die saal en wag vir die "bikers". Tot hul teleurstelling het net 'n bakkie opgedaag! Ons verskoning was dat dit baie hard reen in die Kaap(Bikers ry nie as dit reen nie?). Sertifikate van waardering is oorhandig aan Tanya en foto's is geneem.
Voor ons totsiens kon sê het die prinsipaal ons meegedeel dat die kinders hierdie jaar geen kersgeskenke gaan kry nie weens die gebrek aan vrywilligers.
Ai, so nou het ons alweer gedink: Wat van ons hou 'n breakfast run soontoe op 'n Saterdag of Sondag en neem net 'n speelding saam(waarde R20), as daar genoeg belangstelling is sal ek dit reel.
Weereens dankie aan Johan en Danie vir die TV's en DVD en al die ander vir hul bydraes. Tanya het van ons vorige foto's geraam en vir hulle 'n DVD gegee wat Padlangs geskenk het. Mission Accomplished
Mispah SkoolMispah Skool Fotoraam