Archive of BMW Motorrad Club Cape (2006 - 2019)

Van 26 tot 31 Desember het ek en Caren ons eerste trip aangepak. Die plan was om by vriende van ons te gaan kuier in Kathu en naby Kimberley. Dag 1. Struisbaai tot Carnarvon. 734km. Die eerste dag was veronderstel om 'n lang dag te wees. Ons was nie een seker of ons dit so ver gaan maak nie en wou uitvind of ons OK sal wees terwyl ons nog "relatief" naby aan die huis is. Ons het weggetrek op Suiderstrand ( naby Struisbaai ) en is van daar deur Bredasdorp, Bonnievale, Montagu, Touwsrivier, Sutherland, Fraserburg, Williston na Carnarvon. Die idee was om direk van Fraserburg na Carnarvon te ry, maar toe ek sien dit is grondpad en dit begin al laat raak is ons Williston om op die teerpad. Die pad tussen Sutherland en Fraserburg was taamlik verspoel van baie reen. ( Wat terloops nog geval het terwyl ons gery het!! Heel ironies dat ons taamlik ge-worry het oor die hitte van 'n Karoo trip in Desember ) Op Carnarvon het ons oorgebly by Lord Carnarvon Guesthouse. Kos was nogal 'n issue, want op Carnarvon gaan daar niks na 18:00 aan nie. Ons het toe op die ou end 'n steak by die hotel opgespoor. Opgepak. Koo vallei In die Noord Kaap net voor Sutherland. Gooi sommer petrol op straat in op Sutherland. Daar het taamlik reen geval. Die paaie was sleg verspoel tussen Sutherland en Fraserburg Na dag 1. Min geweet wat dag 2 voorle. Dag 2. Carnarvon tot Kathu. 441km. Ons het vroeg weggetrek omdat ons vermoed het daar gaan 'n klompie grandpad vandag voorle. Dit het ook die vorige dag taamlik gereen in die omgewing so almal het maar net hulle koppe geskud as ek vra oor die grandpad Prieska se kant toe. As ek nou moet kommentaar lewer op die grondpad was dit nie SO sleg nie. Die probleem kom egter as dit jou eerste keer op so 'n pad is met jou vrou by jou en die fiets is gepak. Die eerste ruk het dit dus bietjie gesukkel. Dit was ook ons eerste keer wat ons geval het op die stuk pad. Ons was op pad deur 'n modderpoel wat die hele breedte van die pad was en die fiets begin gly eers een kant toe en toe ander kant toe. Hierna was daar nie meer keer nie. Gelukkig was die spoed baie laag en het net my ego skade opgedoen. Ons is van Carnarvon deur Prieska, Niekerkshoop, Griekwastad, Posmastburg na Kathu. Hier het ons oorgebly by 'n ou skool vriend van my. Die pad Prieska toe was erg nat. Net voor Prieska. Die keer het ons bietjie meer modder gevat. By Kathu. Nou daai is 'n groot trok!! Dag 3 en 4 Kathu na Ulco. 230km Vandag is 'n kort trip tot by 'n vriendin van Caren. Ons bly dag 3 en 4 by haar oor. Ulco is 'n myndorp voor Kimberley waar klip gemyn word en sement daarvan gemaak word. Die rusdag was nogal aangenaam na die vorige 2 dae se ry. Blaaskans op 'n ysterklip hopie. Ulco myn. Dag 5. Ulco na Hanover. 393km. Die plan vir vandag was om Graaff Reinet toe te ry en daar oor te bly. Als het goed gegaan en na die vorige rus dag was ons lus vir ry. Net voor Hanover ry ons egter in 'n enorme donderstorm in. Die reen was nog ok, maar toe die blitse op die koppies rondom ons begin vas slaan het ek besluit ek gaan 'n gastehuis soek voor ons braai. Op die ou end het ons 'n baie nice gastehuis gekry en die mense was nice genoeg om ons motorfiets in 'n garage uit die storm te sit ( Vergenoeg Country Lodge ). Ons was omtrent deur nat toe ons in die kamer kom. By die groot gat in Kimberley. 'n Dorp vernoem na 'n favourite drankie!! Dag 6. Hanover tot Bonnievale. 650km. Vandag het ons net die N1 gevat terug huis toe. Langs die pad al klaar weer een die beplan aan die volgende!! Terug op Bonnievale. Ons het die geel roete gevolg. Het die pad net na Matjiesfintein Sutherland toe gevat ( my GPS was lyk my af ) Desember trip